Në tubimin e mbajtur nga Lidhja Demokratike e Kosovës në Prizren përveç të rriturve ishte prezent edhe një fëmijë shumë i vogël, gjë që në fakt nuk është e lejueshme, madje LDK’ja për këtë edhe është dënuar ditë më parë, kur kandidatja e tyre Vjosa Osmani u kishte veshur binjakëve të saj bluza të fushatës.
Një simpatizant i veçantë ishte i pranishëm në fushatën e Lidhjes Demokratike të Kosovës në Prizren.
Një fëmijë tërhoqi vëmendjen teksa shikonte kandidaten për kryeminstre, Vjosa Osmani.
Kujtojmë që Paneli për Ankesa dhe Parashtresa (PZAP) ka dënuar me prej 2 mijë e 600 euro LDK’në, pasi kandidatja për kryeministre nga radhët e LDK-së, Vjosa Osmani, në tubimin qendror të hapjes së fushatës, është parë bashkë me dy vajzat e saj, ku të dyja vajzat e Osmanit kishin të vendosur materiale zgjedhore në veshjet e tyre.
Kjo sipas ankesës është në kundërshtim me Rregullën Zgjedhore Nr. 13/2013 për ‘Fushatën e Zgjedhjeve dhe Njoftimin për Ngjarjet Politike’./gazetametro.net
