Një zjarr i fuqishëm ka shpërthyer gjatë orëve të natës në fshatin Murgë të komunës së Skenderajt, duke rrezikuar drejtpërdrejt një shtëpi banimi dhe përhapjen e zjarrit në zona të tjera përreth.
Sipas burimeve të Drenica Press, vatra e zjarrit është parë të jetë aktive që nga mesnata, ndërsa në vendin e ngjarjes nuk është vërejtur asnjë ndërhyrje nga banorët lokalë. Po ashtu, në momentin e parë të raportimit, as policia dhe as zjarrfikësit nuk ishin të pranishëm në zonë.
Burime nga terreni bëjnë të ditur se njësitet e zjarrfikësve janë njoftuar për situatën vetëm rreth ores 02:00 te mengjesit dhe pritet që të dalin në vendin e ngjarjes për të ndërhyrë në lokalizimin dhe shuarjen e zjarrit.
Deri në momentin e publikimit të këtij lajmi, nuk ka informacione për ndonjë të lënduar apo për dëme materiale të konfirmuara, por rreziku mbetet i lartë pasi zjarri është afër objekteve të banimit.
Drenica Press do të vazhdojë ta ndjekë situatën nga afër dhe do t’ju mbajë të informuar për zhvillimet e mëtejshme./drenicapress.org
Shiko videon ketu: https://www.facebook.com/share/r/1RwLWnWcsi/
