VIDEO/ Shkëmbinjtë shkëputen nga mali dhe bien mbi makinat, raportohen të plagosur

Në provincën kineze jug-perëndimorë, Sichuan, një aksident i tmerrshëm ka ndodhur ditën e shtunë.

Për shkak të rreshjeve të shiut, rreth orës 10:55  disa shkëmbinj u shkëputën nga mali dhe bllokuan autostradën në qytetin e Yinbin.

Si pasojë  tre persona mbetën të lënduar të cilët menjëherë u shoqëruan për në qendrën spitalore.

Pamjet tregojnë disa shkëmbinj gjigandë të cilët rrokullisen poshtë kodrës dhe përplasen në makinat që janë duke qarkulluar.