Gjatë luftimeve në Ukrainë është plagosur edhe veterani i Operacioneve Antiterror, nënkryetari i komunës Nova Kakhovka, Vladimir Arnaut. Dje gjërësisht u shpërnda video-mesazhin e tij patriotik drejtuar popullit ukrainas në rast se nuk do të mbijetonte, ku u bënte thirrje të luftonin deri në fund.
Por mjekët luftuan për ta shpëtuar jetën e tij. Dhe ia dolën! Tani Vladimiri është në gjendje të stabilizuar.
Videoja e tij ku shfaqej I plagosur u shfaq në internet pasditen e 27 shkurtit dhe nuk dihet se ku ai ndodhej. Pas saj u raportua se zyrtari kishte vdekur, por më vonë u bë e ditur se ai mbijetoi. Në pamjet e para të publikuara në internet, Vladimir Arnaut i gjakosur tregonte plagët e tij dhe parashikonte se ai mund të mos kishte shumë kohë për të folur.
“U plagosa. Me sa duket, nuk zgjati shumë. Lavdi Ukrainës! Ne po luftojmë deri në fund!”, tha ai.
Por më pas, ushtaraku dhe blogeri Anatoliy Stefan ndau lajmin e mire publikisht: “Mësuam se nënkryetari i bashkisë Vladimir Arnaut që u plagos rëndë ka shpëtuar dhe është i mbrojtur”.
Dhe vet Arnaut më pas njoftoi: “Ata më plagosën. Mjekët më bënë një operacion dhe unë mbijetova. Unë do të dal dhe do të vazhdoj të luftoj. Faleminderit të gjithëve dhe Lavdi Ukrainës!”.
Pas pushtimit rus të Ukrainës, nënkryetari i qytezëz me armë në dorë u ngrit për të mbrojtur vendlindjen dhe shtetin e tij. Në faqen e tij në rrjetet sociale ditët e fundit ai ka shpërndarë video instruksione për të bërë “koktej molotovi” dhe këngë që rrisin moralin.
Kujtojmë se ukrainasit po arrijnë të ndalojnë tanke dhe të djegin pajisjet e armikut me kokteje molotov.
Së fundi mësohet , siç raportoi Obozrevatel, Serhiy Glushchenko, lart në foto, një këshilltar i Këshillit Bashkiak të Bohodukhiv, u vra në një betejë me pushtuesit rusë në Kharkiv . Ai ishte ndër të parët që mbrojti atdheun e tij nga agresori rus.
Vdekja e tij u njoftua në mëngjesin e 27 shkurtit në faqen e internetit të Këshillit të Qytetit Bohodukhivka . Në të njëjtën kohë, nuk ka detaje se si vdiq deputeti, i cili kishte një hobi të pazakontë (për të parë videon, lëvizni deri në fund të lajmit) .
Vihet re se Serhiy Glushchenko ka marrë pjesë në mbrojtjen territoriale të Kharkiv që nga fillimi i pushtimit ushtarak rus të Ukrainës më 24 shkurt. Në të kaluarën ai ishte kryetar i fshatit Oleksandrivka, më vonë ai u bë deputet i Këshillit të Qytetit Bohodukhiv./ar.sh/SYRI.NET
