Victoria Beckham ka qenë në qendër të vëmendjes për më shumë se 30 vjet, por jeta në fokusin e medias ka lënë gjurmët e saj. Një docu-seri e re në Netflix, që do të nisë në shtator, zbulon se vëmendja negative e vazhdueshme ndikoi në imazhin e trupit të saj dhe e shtyu të ndiqte një dietë shumë të kontrolluar, tregojnë burimet për Page Six.
“Kur shikon pas në vitet ’90, ishte jashtëzakonisht e vështirë,” tha një burim i industrisë, duke konfirmuar se Victoria, 51 vjeç, diskuton për sfidat e saj në këtë seri tre-episodëshe, “Victoria Beckham.”
Një vëmendje e madhe u përqendrua tek pamja dhe pesha e Victoria-s. Burimet shtojnë se shikuesit do të kuptojnë më mirë se çfarë ka kaluar ajo. Madje, Victoria pranon se ka pasur edhe momente lotësh gjatë xhirimeve: “Më erdhi në mendje kohët e fundit, çfarë do të mendoj kur ta shoh këtë skenë me lot në një ekran të madh? Apo në iPhone?”
Seriali ndjek Victoria-n ndërsa përgatitet për shfaqjen më të madhe të modës në karrierën e saj për markën e veshjeve të saj gjatë Paris Fashion Week 2024. Sipas burimeve, djali i saj Brooklyn dhe gruaja e tij, Nicola Peltz, shfaqen shkurtimisht në dokumentar, i xhiruara përpara zënkave familjare mes Beckhams.
Victoria tregon gjithashtu se sa shumë e ka ndikur trajtimi publik dhe mediat britanike. Në dokumentarin e vitit 2023 për David Beckham, ajo kujton se ka qenë objekt i thirrjeve ofenduese gjatë ndeshjeve të futbollit, duke thënë: “Ishte e turpshme dhe e dhimbshme.”
Një nga momentet më të rënda ishte kur prezantuesi i televizionit Chris Evans e shtyu të peshohej live në TV në 1999, vetëm dy muaj pas lindjes së Brooklyn. Ky kontroll i vazhdueshëm mbi pamjen e saj e shtyu të jetë shumë e rreptë me dietën dhe ushtrimet. David Beckham ka treguar se Victoria ka ngrënë gjithmonë të njëjtat gjëra për më shumë se 25 vjet, kryesisht peshk i pjekur dhe perime me avull, me shumë pak devijime.
Megjithatë, Victoria tashmë e kupton se “jeta është shumë e shkurtër” për të qenë gjithmonë duke numëruar kaloritë.
Docu-seria fokusohet gjithashtu tek rruga e saj nga Posh Spice tek dizajnerja e suksesshme e modës, sfidat që ka hasur dhe mënyrën se si ka ndërtuar biznesin e saj të modës, duke përfshirë edhe periudha të vështira financiare dhe mbështetjen nga grupi NEO për të mbajtur kompaninë gjallë.
Victoria rrëfen hapur se nuk ishte e lehtë të shndërrohej nga idol popi në një nënë dhe sipërmarrëse, duke ndërtuar identitetin e saj dhe duke fituar respekt në industrinë e modës. Ajo shprehet se ka pasur momente kur nuk ndihej e sigurt mjaftueshëm për të shijuar jetën normale, si të shikojë fëmijët e saj duke luajtur në plazh.
Një pjesë tjetër emocionuese e dokumentarit lidhet me ndarjen e marrëdhënies me djalin e saj të madh, Brooklyn. As Victoria, as David dhe as motra e tij Harper dhe vëllezërit e tij, Romeo dhe Cruz, nuk kanë folur me Brooklyn prej muajsh, pas mosmarrëveshjeve që nisën para dasmës së tij me Nicola Peltz në prill 2022.
Burimet thonë se kjo ka qenë veçanërisht e dhimbshme për Victoria-n si nënë: “Është thyer zemra,” thotë një mik i familjes.
