Lëvizja Vetëvendosje nuk e përkrah protestën e veteranëve të Ushtrisë Çlirimtare të Kosovës (UÇK) kundër padrejtësive ndaj ish-krerëve të UÇK-së që po mbahen në paraburgim në Hagë.
Zëdhënësi i partisë në pushtet, Arlind Manxhuka tha se protesta është dashur të mbahej para dhjetë vitesh.
Sipas Manxhukës, ish-presidenti Hashim Thaçi ishte shumë i butë me Gjykatën Speciale, në një intervistë të tij të publikuar para një jave, edhe pse Thaçi ndodhet në paraburgim në Hagë.
Postimi i plotë:
- Protesta është dhjetë vjet e vonuar. Është dashur që në verën e vitit 2015 të kundërshtohet pushteti i atëhershëm.
- Nuk mund të ndryshohet historia e Kosovës dhe lufta çlirimtare por as historiku i themelimit të Gjykatës Speciale.
- Kosova ka nevojë për gjykata normale që dalin pas vettingut dhe për kryeprokuror të ri e jo për gjykata speciale jotransparente të cilat janë jashtë praktikave ndërkombëtare.
- Për më pak se pesë vjet qeveria Kurti ka paguar mbi 33 milionë euro për mbrojtjen e të akuzuarve në Hagë dhe shpenzimet e tjera atje.
- Në intervistën e tij nga Haga para një jave, ish presidenti dhe ish kryeministri Thaçi ishte tepër i butë me Gjykatën Speciale. Protestat nuk mund ta zëvendësojnë a kompenzojnë mungesën e qëndrimit të tij.
- Fatkeqësisht, në vitin e pestë që po mbahen në paraburgim ish drejtues të UÇK-së, është e qartë që partia kryesore opozitare çështjen e tyre e ka përdorur shumë më tepër kundër qeverisë Kurti sesa për lirimin e të akuzuarve.
- Advertisement -
