Lëvizja Vetëvendosje nuk e ka paralajmëruar Policinë e Kosovës për protestën e sotme që do të mbahet para Kuvendit të Kosovës në orën 10:00, shkruan Gazeta Express.
Këtë e ka konfirmuar për Gazetën Express, zëdhënësja e Policisë për Rajonin e Prishtinës, Flora Ahmeti.
“Në Policinë e Kosovës, nuk është paralajmëruar protesta”, tha Ahmeti për Express.
Vetëvendosje përmes një njoftimi për media ka theksuar se është momenti vendimtar të mbrohet Republika nga kriminelët dhe zaptuesit.
“Demarkacioni nuk do të kalojë. Qeveria e Kosovës po e provokon situatën. Nëse nuk tërhiqet Qeveria, gjendja do të dal jashtë kontrollit dhe rezistenca do të jetë edhe më e ashpër se kurdoherë”, thuhet në njoftim.
