Kryetari i Kuvendit, Kadri Veseli, ka qëndruar gjatë ditës së sotme, në fshatin Poklek të Drenasit, në përvjetorin e masakrës në këtë vend.
Veseli ka përkujtuar 54 civilët e masakruar, teksa ka thënë se asnjëherë nuk do të harrohen masakrat e Serbisë në Kosovë.
Po ashtu, kryetari i Kuvendit, ka thënë se këto masakra nuk do të falen asnjëherë.
Sot qëndrova në Poklek të Drenasit për të përkujtuar masakrën që kryen në këtë fshat ushtria dhe policia serbe. 54 njerëz të pafajshëm u vranë dhe u dogjën në mënyrën me mizore dhe ende sot në dosjet e drejtësisë ndërkombëtare nuk figuron emri i Poklekut, këtij simboli të gjenocidit serb në Kosove. Mund të harrohen e falen shumë gjera në jetën njerëzore, por masakrat e Serbisë në Kosovë kurrë s’kemi për t’i harruar. Kurrë s’kemi për t’i falë.
- Advertisement -
