Kreu i PDK-së, Kadri Veseli, i ka falënderuar të gjithë qytetarët e Drenasit, vullnetarët dhe strukturat e PDK-së për angazhimin e tyre dhe besimin në Partinë Demokratike të Kosovës.
Përmes një postimi në llogarinë e tij në Facebook, Veseli ka treguar se në orën 18:00, PDK-ja do ta ketë takimin përmbyllës në Poklek të Ri të Drenasit.
Ky është statusi i plotë i Veselit:
“Falemnderit nga zemra të gjithë qytetarëve për mbështetjen e pafundme dhe besimin e palëkundur për PDK-në.
Falemnderit nga zemra të gjitha strukturave të PDK-së, shtabit zgjedhor, vullnetarëve, për angazhimin e palodhshëm.
Sonte, në orën 18:00, le të mblidhemi të gjithë së bashku, në sallën e sporteve në Poklek të Ri, për ta përmbyllur me festë fushatën në Drenas, në përkrahje të kandidatit tonë Ramiz Lladrovci dhe për të treguar se Drenica është më e bashkuar se kurrë”. /Telegrafi/
