Në prag të ndrrimit të viteve, Kryetari i Kuvendit, Kadri Veseli, ka vizituar familjën e heroit Edmond Hoxha.
Veseli i shoqëruar nga bashkëshortja e tij, në këtë ditë festive, ka takuar nënën e heroit Edmond Hoxhës, Nurijen, transmeton Magazina.al
Me këtë rast kryetari i PDK-së, ka thënë se edhe në festa duhet të kujtojmë njerëzit tanë që dhanë gjithçka nga vetja për liri.
“Bashkë me Violeten ishim për vizitë në familjen e heroit Edmond Hoxha, ku biseduam gjatë e për shumëçka me nënën Nurije. Edhe në festa duhet të kujtojmë njerëzit tanë që dhanë gjithçka nga vetja për liri, por edhe të respektojmë forcën dhe vullnetin e familjeve të tyre për të punuar për një Kosovë me të mirë”, ka shkruar Veseli.
Kujtojmë që heroi Edmond Hoxha u vra në Pestovë më 31 janar të vitit 1997, ishte luftëtar i Ushtrisë Çlirimtare të Kosovës, ndër të parët që iu bashkangjitën kësaj ushtrie për çlirimin e Kosovës./Magazina.al/
