Andi Lila u ndëshkua me karton të kuq pas dy të verdhëve në ndeshjen mes Pas Janinës dhe Olimpiakosit.
Mbrojtësi shqiptar u ndëshkua me dy kartona brenda 3 minutave, por duhet theksuar se kartoni i parë në minutën e 38′ të ndeshjes ka qenë i pakuptueshëm.
Lila në një dyluftim me një lojtar kundërshtar rrezikoj duke futur kokën për të rikuperuar një top, teksa lojtari kundërshtar futi këmben e tij.
Megjithatë arbitri grek dha një faull kundër Lilës dhe karton të verdhë, megjithëse ishte mbrojtësi shqiptar ai që pësoi faull. Pas ndeshjes, Lila u shpreh:
“I pari karton i verdhë në karrierë se futa kokën për të kapur një top. Ishte faull pro meje, edhe lojtari i Olimpiakosit nisi të protestonte kur fishkëlleu arbitri, sepse kujtoi se ishte faull kundër tij. E vërteta është që Olimpiakosi është klub i madh, por është turp që ka nevojë për ndihma, që të fitojë”.
