Një qytetar nga Ferizaj ka dhënë një shembull të lartë qytetarie duke dorëzuar një shumë të konsiderueshme parash, të cilat i kishte gjetur në rrugën “Dëshmorët e Kombit” në Ferizaj.
Sipas Policisë Rajonale të Ferizajt, më datë 12.01.2026, rreth orës 16:00, qytetari 61-vjeçar A. Cakolli ka paraqitur shumën e gjetur në stacionin policor në Ferizaj. Paratë u numëruan në prezencë të qytetarit, ndërsa për veprimet e ndërmarra policore është njoftuar prokurori i shtetit dhe është iniciuar “Shënim zyrtar”. Aktualisht, mjetet financiare ruhen në stacionin policor.
Policia fton pronarin e ligjshëm të kësaj shume të parave të paraqitet në stacionin policor në Ferizaj për verifikim dhe tërheqjen e shumës së tij.
Policia Rajonale e Ferizajt falënderon qytetarin A. Cakolli për gjestin e tij shembullor dhe human, duke theksuar se ky veprim tregon përgjegjshmëri dhe ndershmëri qytetare. /Lajmi.net/
- Advertisement -
