Halime Nura, e ëma e Komandatit të UÇK-së Jakup Nura, ka vdekur sot, raporton Gazeta Express.
Lajmin për vdekjen e saj e dha kandidati për kryetar të Skenderajt, Sami Lushtaku, përmes një postimi në Facebook.
Lushtaku shprehu ngushëllime për vdekjen e saj, duke thënë se ajo ishte si nënë e të gjithë grupit themelues të UÇK-së.
“Ajo si një grua e zonja, shumë herë na ka ushqyer e na ka strehuar në shtëpinë e Jakupit në Prelloc. Duke qenë burrëreshë sypatrembur, na motivonte e na uronte gjithmonë më fjalët më të mira që i buronin nga shpirti i saj.
Ngushëllimet më të thella bashkëluftëtarit tim Jakup Nura dhe gjithë familjes Nura. Nëna Halime pushoftë në paqe!”, shkroi Lushtaku.
