Kanë vazhduar reagimet mes Adelina Ismailit dhe Arif Vladit, pas debatit lidhur me “Marshin e UÇK-së”.
Një deklaratë e Adelina Ismailit ka bërë që të ndizet një debat mes saj dhe Arif Vladit.
Bëhet fjalë për këngën “Marshi i UÇK-së”, për të cilën këngëtarja deklaroi se Vladi ishte paguar.
Pas kësaj deklarate reagoi menjëherë Arif Vladi, i cili ndër të tjera paralajmëroi padi për Adelinën, në rast se nuk tregon se kush e ka paguar.
Reagim pas reagimi, Adelina përmendi personin që ka treguar edhe shifrën që po pretendohet se Vladi e mori për “Marshin e UÇK-së.
“Falënderoj furnizuesin kryesor te logjistikes se UÇK-së, z. Refik Hamiti beri te ditur publikisht se sa eshte paguar Arif Vladi per kenget e tij “humanitare”. Ju ftoj ne emisionin tim “Tete-a-tete me Adelinen” te flasim pak mbi keto tema qe mbesin mister edhe sot. Mua nuk duhet te me paguani”, shkroi ajo.
Kurse, Vladi ndau një foto në Facebook, të vilës së tij në Tiranë gjatë vitit 1986.
“Atëherë nuk kishin lindur këngët e luftës. Në vitin 1984 jam kthyer nga Amerika me 110 mijë dollarë. Ju thoni që ia kam kërkuar 500 dollarë dhe më kanë dhënë 1000. Unë jam artist dhe jetoj nga ky profesion. Parja nuk më tundon. Kam ditë të ndajë kombin, familjen dhe sedrën nga parajsa”, shkroi ai.
