Ekipi i Skenderajt në konkurencen e femrave ka arritur të fitoj kupën e FVK-së në finale kundër skuadres së M-Technologie. Sikurse edhe ndeshjet gjysmëfinale edhe finalja ishte mjaft interesante dhe e baraspeshuar, kështu qe u desht të luhej seti i V, që të mësohej fituesi.
Në setin e V, skuadra e Skenderajt u tregua më e vendosur për fitore që nga fillimi duke arritur ta fitoj këtë set i cili i siguroj Kupën e FVK.
Vashat nga Skenderaj, fituan setin e parë, të katërtin dhe të pestin. Kurse volejbollistet nga Prishtina, fituan setin e dytë dhe të tretë.
Sa i përket lojës, ajo gjatë gjithë kohës u karakterizua me rivalitet të madh, por që Skenderaj ishte skuadër më e mirë dhe me meritë iu gëzua fitores.
KV Skenderaj para pak muajsh ishte në prag të shuarjes, pasi nuk po gëzon përkrahje nga niveli lokal.
Këtë klub e shpëtoi nga shuarja kompania “Drena” dhe me këtë rast vajzat e Skenderajt ja kthyen buzëqeshjen sportit të Drenicës duke sjellur në Skenderaj sërish një kupë./Drenicapress.info
