Deri dje shërbente si polic në stacionin policor në Gjilan. Kurse sot, në muret e këtij objekti është vendosur njoftimi për vdekjen e Bekim Ismaili i cili vrau vetën në një kafiteri të Gjilanit.
Nga ky veprim i Ismajlit janë të habitur edhe vetë kolegët e tij. Ata thonë për T7 se nuk kishin vërejtur diçka të pazakonshme tek ai.
Dëshmitarët në vendin e ngjarjes thonë se nuk kanë ndier ndonjë krismë, dhe gjithçka kanë kuptuar pak minuta pasi që zyrtari policor kreu vetëvrasjen.
Nga ana tjetër, Pronarët e lokalit ku polici ka vrarë veten nuk kanë pranuar të flasin për këtë rast të ndjeshëm.
E ky veprim i Ismajlit padyshim që më së shumti i ka mërzitur familjarët e tij, të cilët gjatë gjithë ditës kanë përcjellur njerëz për ngushëllime.
Prapa kameras, ata kanë thënë se nuk e dinë arsyen që e shtyu atë të kryente vetëvrasje, duke vlerësuar se po ndiejnë dhimbje të madhe me largimin e tij nga jeta.
Ismajli që la pas vetës tre fëmijë, dy vajza dhe një djalë është varrosur pasdite në varrezat e qytetit.
