Një rast shumë i turpshëm ka ndodhur gjatë mbrëmjes së djeshme në parqet e Komunës së Skenderaj, atë “Idriz Rreci” dhe në “Parkun Amerikan të Lirisë” tek pishat. Ku është dëmtuar ndriçimi publik nga persona të pandërgjegjshëm. Për raste të tilla Komuna e Skenderajt ka paralajmëruar dënime të rënda për personat që dëmtojnë hapësirat publike, shkruan Drenica Press.
Komuna e Skenderajt thotë se:” Disa dëmtime të qëllimshme në rrjetin e ndriçimit publik janë shkaktuar këto ditë, ka njoftuar Drejtoria e Shërbimeve Publike. Me këtë rast, janë dëmtuar shtyllat në parkun publik “Idriz Rreci” dhe në hapësirën “Te pishat” në qytet. Komuna e Skenderajt kërkon me mirëkuptim nga qytetarët që të jenë të vëmendshëm dhe të kujdesen jo vetëm për ndriçimin, por edhe për gjithçka tjetër që është pronë publike. Veprimet e tilla janë të sanksionueshme me legjislacionin në fuqi, ku parashihen gjoba të larta”./DRENICA PRESS/
