Agjencia turistike Adentures Overland shpreson që ideja e tyre për organizimin e udhëtimit me autobus nga New Delhi drejt Londrës do të jetësohet dhe ngjallë interesim të madh tek adhuruesit e udhëtimeve të gjata, shkruan CNN.
Autobusi luksoz do të jetë në gjendje të transportoj 20 pasagjerë. Për 70 ditë autobusi do të përshkoj 18 vende, kurse pasagjerët do të mund të shijojnë peizazhet si dhe murin kinez, transmeton Telegrafi.
Adventures Overland është themeluar nga ndërmarrës dhe entuziastë të udhëtimeve të gjata – Tushar Agarwal dhe Sanjay Madan. Inspirimin për një ide të tillë e morën derisa po udhëtonin nga Londër për në New Delhi në vitin 2010.
Megjithatë ky udhëtim nuk është edhe aq i lirë – çmimi shkon deri në 20 mijë dollarë dhe pasagjerët kanë mundësi të vendosin për cilën pjesë të udhëtimit duan të marrin pjesë, pasi është i ndarë në katër etapa.
- Advertisement -
