Çdo vit, miliona familje përballen me të njëjtën pyetje: kur është koha e duhur për të ndezur ngrohjen?
Ekspertët e BestHeating, pas analizimit të të dhënave të Met Office për tre vitet e fundit, thonë se data më e mirë është 17 tetori.
“Pasi temperaturat bien nën 15°C, është momenti për ta ndezur ngrohjen. Deri në fund të muajit, edhe më të fortët mes nesh do të jenë të detyruar ta përdorin atë,” shpjegon John Klee, ekspert i teknologjisë së ngrohjes.
Sa duhet ta vendosni termostatin?
Organizata Botërore e Shëndetësisë (OBSH) rekomandon një temperaturë minimale prej 18°C brenda shtëpisë. Kjo konsiderohet e sigurt dhe e balancuar për shumicën e njerëzve gjatë stinës së ftohtë.
Megjithatë, për grupet më të ndjeshme – si të moshuarit, fëmijët apo personat me sëmundje kronike – mund të nevojitet një temperaturë pak më e lartë.
Kur duhet ta ndizni ngrohjen gjatë ditës?
Ekspertët këshillojnë të mos e mbani ngrohjen ndezur gjithë kohën, pasi kjo është e kushtueshme dhe jo efikase.
Ndezni ngrohjen rreth gjysmë ore para se të zgjoheni në mëngjes.
Fikeni përsëri gjysmë ore para se të shkoni në gjumë.
Nëse nuk jeni në shtëpi, mbajeni ngrohjen të fikur. /GazetaExpress/
