“U zbulua” e dashura e re e Lumbardhit? Fotoja nga Milano ndez rrjetin

Ditë më parë, në media u raportua se fituesi i “Big Brother VIP Kosova”, Lumbardh Salihu, ka nisur një lidhje të re me një sipërmarrëse që jeton në Austri.

Megjithatë, deri më tani nuk ishte publikuar as emri dhe as ndonjë fotografi që do ta konfirmonte identitetin e partneres së përfolur, shkruan IndeksOnline.

Lumbardhi, i cili gjatë muajve të fundit ka udhëtuar në destinacione të ndryshme, ka zgjedhur të mos japë detaje rreth jetës së tij private dhe personit që e ka shoqëruar në këto udhëtime.

Tashmë, një fotografi e publikuar nga Kristalja, bashkëshortja e kryetarit të Prishtinës, Përparim Rama, ka nxitur sërish kureshtjen rreth jetës sentimentale të Lumbardhit.

Gjatë Javës së Modës në Milano, Kristalja ka publikuar një fotografi ku shfaqet edhe Lumbardhi, i cili shihet pranë një vajze bjonde.