Të mërkurën, më 11.01.2017, në Mitrovicë do të mbahet tubim protestues kundër arrestimit të liderit të AAK-së dhe ish kryeministrit të Kosovës, Ramush Haradinaj.
Kryetari i komunës, Agim Bahtiri i fton me këtë rast të gjithë qytetarët e komunës, e më gjerë që të mblidhen në ora 11:55 në sheshin “Isa Boletini”, mu pranë shtatores së këtij heroi, për të protestuar në mënyrë paqësore kundër arrestimit të liderit të AAK-së, Ramush Haradinaj.
“Arrestimi i ish-komandantit të Zonës Operative të Dukagjinit, ish kryeministrit të Kosovës dhe tash kryetarit të AAK-së, sipas flet- arresteve të montuara të Serbisë, është akt i shëmtuar dhe i padrejtë. Prandaj, ftoj qytetarët që të dalim e të protestojmë në mbështetje të Ramushit dhe kundër arrestimit të tij nga autoritetet franceze, sipas fletarrestimit të lëshuar nga shtetit i Serbisë”, ka thënë kryetari Bahtiri
