Një ngjarje e rëndë ka ndodhur në orët e hershme të mëngjesit të së martës në Skenderaj, ku një foshnjë ka ndërruar jetë në rrethana ende të paqarta derisa ishte në gjumë.
Sipas Policisë së Kosovës, rasti është raportuar rreth orës 05:00, ndërsa në vendin e ngjarjes kanë dalë njësitë relevante policore dhe ekipi i emergjencës.
Mjeku kujdestar ka konstatuar vdekjen e foshnjës, ndërsa me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.
Autoritetet kanë nisur hetimet për të zbardhur shkaqet e kësaj tragjedie, ndërsa familja e viktimës po kalon momente të rënda dhimbjeje.
- Advertisement -