Trabzoni i Salahut dhe Muçit po bëhet me trajner të ri

Trabzonspori ka nisur kontaktet me trajnerin gjerman Thomas Reis, teksa klubi turk po kërkon të gjejë zgjidhjen për stolin teknik.

Sipas informacioneve të publikuara nga gazetari Hasan Tuncel, Trabzonspori kishte zhvilluar prej kohësh negociata me Stefano Piolin, por palët nuk arritën marrëveshje për disa pika të rëndësishme të kontratës.

Për këtë arsye, klubi nga Trabzoni ka kthyer vëmendjen te Thomas Reis dhe tashmë ka nisur negociatat me trajnerin gjerman. Bisedimet raportohet se po avancojnë pozitivisht./Indeksonline/