Cristiano Ronaldo është rikthyer në formën e tij më të mirë pasi me dy golat e tij udhëhoqi Realin e Madridit drejt fitores kundër PSG-së në Champions League.
Sulmuesi portugez shënoi dy gola, njërin prej të cilëve me 11-metërsh. Por, shumë pak tifozë vunë re diçka të çuditshme te penalltia e CR7.
Ishte ish-shoku i tij i skuadrës te Manchester United, Rio Ferdinand në studiot e “Sky Sports” analizoi një lëvizje të mistershme të topit.
Përsëritja tregon se topi ngrihet në momentin që Cristiano përgatitet ta godasë penalltinë. Kjo ndodhi pasi këmba mbështetëse e sulmuesit të Realit shkel me forcë dhe tapeti vibron aq sa për të ngritur pak topin fiks në momentin që goditet nga e djathta e portugezit.
- Advertisement -
