Diku rreth 10 aksidentet të ndryshme kanë ndodhur në Autostradën Prishtinë-Pejë saktësisht në vendin e quajtur Kroi i Mbretit.
Rastin për Gazetën Express e ka konfirmuar zëdhënësi i Policisë së Kosovës, Daut Hoxha.
Ai ka treguar se ka njerëz të lënduar dhe dëmtime të shumta materiale.
“Ju informoj se ne Auostradën Prishtine- Pejë, konkretisht prej Sllatine, Kroi i mberetit deri ne Komoran, njesitet tona policore per menaxhimin e autostradës jane duke u marr me disa raste te aksidenteve, ku vlersohet se ka dëme materiale dhe lendime në njerëz.
Policia bashkë me ekipet e emergjencave eshte duke menaxhaur me ketë situate ku pas reshjeve atmosferike ne kete pjese te autostrades nga te dy anët deri ne keto momente kane ndodhur me shume se 10 aksidente. Per detaje tjera ju njoftojme me vonë.
Ne kerkojme nga te gjithe drejtuesit e automjeteve qe te jene te kujdeshem, vigjilent dhe psaqrisht kur kemi ndryshime atmosferike, si reshje etj , levizjen e automjeteve te tyre ta pershtatin me kushtet e rruges, per te shmangur aksidentet dhe te kene qarkullim me te sigurt”, ka thënë Hoxha për Gazetën Express.
Gazeta Express ka siguruar edhe fotografi dhe video nga vendi i ngjarjes./GazetaExpress/
