Burimet e lajmi.net bëjnë të ditur që Presidenti i Republikës së Kosovës, Hashim Thaçi, po qëndron për një vizitë disa orëshe në Mal të Zi, më saktësisht në Podgoricë.
Sipas burimit të lajmi.net, presidenti Thaçi ka realizuar takime me krerët e shtetit malazez. Kjo vizitë po ndodhë vetëm disa ditë para debatit në Kuvendin e Kosovës lidhur me demarkacionin me Malin e Zi.
Qeveria e Kosovës pritet ta dërgojë për ratifikim në parlament marrëveshjen në mes të Malit të Zi dhe Kosovës për vijëzimin e kufirit.
Zyrtarët e Komisionit Evropian kanë theksuar këto ditë se ky është kushti i fundit për liberalizimin e vizave për qytetarët e Republikës së Kosovës.
- Advertisement -
