Presidenti Hashim Thaçi po mban një konferencë në prag të shënimit të 10-vjetorit të Pavarësisë, ku po flet për të arriturat e Kosovës, por edhe për temat e “vështira” si Gjykata Speciale
Në vargun e pyetjeve të ndryshme, Presidenti u pyet nga gazetarja e portalit Arbresh.info, rreth ftesës për të marrë pjesë në Lutjet e Mëngjesit në Amerikë.
Pasi u pyet se a ka marrë ftesë, Presidenti përveç që dha përgjigje të prerë, ai edhe “thumboi” gazetaren duke ia përmendur shefin.
“Jo. E Rrahimi a ka marrë?”, ka pyetur Thaçi duke qeshur.
Presidenti Thaçi e kishte fjalën për pronarin e këtij mediumi, Rrahim Pacolli, i cili është takuar disa herë me të dhe llogaritet si i afërt me Thaçin. Madje, për të është thënë se është bërë kumbarë i futjes në Qeveri të AKR-së.
