Një 35-vjeçar është qëlluar aksidentalisht për vdekje me armë gjahu, nga djali tetëvjeçar. Ngjarja ka ndodhur mesditën e sotme në fshatin Vlosh i Roskovecit.
“Rreth orës 12:15, jemi njoftuar se ne pyllin e fshatit Vlosh, Rroskovec, Fier, ujku kishte ngrënë një person i cili me pas kishte gjetur vdekjen. Menjëherë me marrjen e njoftimit është formuar grupi hetimor dhe ka filluar kryerja e veprimeve proceduriale ne pyllin e fshatit Vlosh, nga ku ka rezultuar se ka gjetur vdekjen shtetasi Karafil Rrapushi. Ky person ka gjetur vdekjen për arsye se është qëlluar me arme gjahu, teke, nga djali i tij tetëvjeçar, shtetasi F. Rr. Arma e gjahut u gjend ne vendngjarje. Shtetasi Karafil Rrapushi ka dale në pyllin e fshatit për të mbledhur bime medicinale dhe është ulur për të pushuar, ndërkohe që i biri ka marre armën e gjahut dhe ka filluar të luajë. Pa dashje ai ka realizuar shkrepjen e cila ka shkaktuar vdekjen e viktimës. Vet fëmija tetëvjeçar ka njoftuar familjaret për vdekjen e të atit dhe ka sajuar ngjarjen me qëllim mbulimin e saj nga frika, por më pas ka shpjeguar të vërtetën”, sqaron policia.
