Aktivisti i shoqërisë civile, Rron Gjinovci e ka lëshuar demonstrativisht emisionin Pressing në T7 pasi që nuk ka marrë përgjigje nga të ftuarit e PDK-së Uran Ismaili dhe Memli Krasniqi se pse Adem Grabovci është ende në PDK.
Ai disa herë iu ka parashtruar pyetjen e njëjtë se pse Adem Grabovci është pjesë e Këshillit Drejtues të PDK-së, duke e quajtur “kryekapës të Kosovës”, shkruan Ballkani.info.
Dy zyrtarët e lartë të PDK-së kanë folur për luftën kundër korrupsionit që po e udhëheqë Kadri Veseli, mirëpo nuk kanë dhënë përgjigje se pse Grabovci, protagonist i aferës Pronto është në organin kryesor drejtues të partisë. /Ballkani.info/
