Sot në Kosovë pritet të mbajë mot kryesisht me diell dhe erërat e ftohta do të dobësohen plotësisht gjatë dites.
Temperaturat nga -7 minimalja gjatë dites do të rritet deri në 5 gradë Celsius maksimalja.
Në Shqipëri, Maqedoninë Veriore, Luginë të Preshevës dhe Mal të Zi sot pritet të mbajë mot i kthjellët dhe me diell. Mëngjesi në shumë zona do të jetë me acar, ndërsa gjatë dites rritje e temperaturave.
Dita e martë sjellë një front të ri polar me depërtim të masave mjaft të ftohta ajrore nga veriu. Gjatë ditës do të ketë fuqizim të erërave veriore e veriperëndimore, shtim lokal të vranësirave dhe priten reshje lokale bore kryesisht të pakta dhe të karakterit lokal.
Dita e fundit e vitit do të jetë ditë e akullt. Temperaturat vështirë që mund të dalin në plus edhe në pikun e ditës. Nata do të shumë e ftohtë me temperatura që do të zbresin deri në -8 gradë Celsius. Në ndonjë rajon mund të ulen edhe deri në -10 gradë Celsius.
Nga e Enjta masa ajrore të ngrohta nga Mesdheu depërtojnë gradualisht dhe largojnë acarin nga viset tona duke kushtëzuar rritje graduale por të sigurt të temperaturave. Erërat do të fillojnë të fryjnë nga jugu dhe jugperëndimi./MeteoBallkan
