Një person dyshohet se ka shtënë me armë zjarri në rrugën “Fehmi e Xhevë Lladrovci” në Skenderaj nga një veturë në lëvizje.
Rastin e ka konfirmuar zëdhënësi i Policisë për Rajonin e Mitrovicës, Avni Zahiti.
Ai ka treguar se në vendngjarje janë gjetur disa gëzhoja, por se nuk raportohet për të lënduar.
“Rreth orës 20:00, Policia ka pranuar informatën për të shtëna me armë zjarri në rrugën “Fehmi e Xhevë Lladrovci” në Skenderaj. Bazuar në informatat e para, dyshohet se nga një veturë në lëvizje është shtënë me armë zjarri. Nga te shtënat nuk raportohet për persona të lënduar. Më vendin e ngjarjes janë gjetur disa gëzhoja. Njësitet kompetente kanë nisur hetimet dhe janë duke punuar për identifikimin e të dyshuarit dhe sqarimin e rrethanave të rastit”, tha Zahiti. /IndeksOnline/
