Edhe sot mbi vendin tonë mbajti mot jostabil, me zhvillime të shtrëngatave me shi
Siç njofton Prishtina Weather, gjatë orës së fundit mbi vend po shtrihet fronti i ftohtë i vorbullës ciklonike që po kalon nga rajoni ynë.
“Në Prishtinë temperaturat kanë pësura rënie për 10C, e tashmë po fryen erë e ftohtë veriore me hove deri në 15m/s (54km/h). Ndërkohë në rajonin e Prizrenit gjatë orës së shkuar u zhvillua një shtrëngatë e fuqishme dhe pati jozyrtarisht mbi 2000 shkarkime rrufesh, kjo sipas shënimeve të websajtit blitzortung.com”, thuhet në njoftim.
Pas shtrirjes së frontit të ftohtë mbi vend, gjatë natës do të vazhdojnë të reshurat e shiut, me intenzitet më të ulët dhe nëpër lokalitete, derisa potenciali për shtrëngata do të shuhet. /Lajmi.net/
