Ministri i Drejtësisë i Kosovës, njëherësh anëtar i Kryesisë së Partisë Demokratike të Kosovës, Abelard Tahiri, ka komentuar një paralajmërim të kryetarit të subjektit politik të tij, Kadri Veseli, për largim të disa figurave të PDK’së nga partia.
Veseli ka deklaruar javë më parë se në PDK nuk do të ketë vend për ata që, siç ka thënë ai, janë të korruptuar dhe që kanë dëmtuar partinë.
Veseli po ashtu ka thënë se është fat i mirë që disa prej atyre që e kanë dëmtuar partinë tash nuk janë më pjesë e saj.
Tahiri, gjatë një paraqitjeje në emisionin “Pressing”, në televizionin T7, ka thënë se “nuk e di se kush janë” të korruptuarit për të cilët ka folur Veseli.
“Asnjëherë s’kam dëgjuar për një paralajmërim të tillë”, është shprehur ai.
“Veseli asnjëherë s’ka biseduar me ne për këtë”, ka thënë Tahiri në T7.
