Kandidati për deputet nga radhët e Partisë Demokratike të Kosovës (PDK), Abelard Tahiri, ka shpërndarë një video në rrjetin social Facebook, ku thekson vizionin e qeverisjes së ardhshme të udhëhequr nga Bedri Hamza për zhvillimin e Dragashit.
Tahiri deklaron se, në qeverisjen e PDK-së, Dragashi do të shndërrohet në një destinacion turistik tërheqës për vizitorë nga rajoni dhe Evropa, duke hapur perspektiva të reja zhvillimore për këtë komunë.
“Në qeverisjen tonë, të udhëhequr nga Bedri Hamza, Dragashi do të shndërrohet në një destinacion turistik për vizitorë nga rajoni dhe Evropa. Bashkë. Përpara. Për një perspektivë të re zhvillimore për Dragashin”, thuhet në mesazhin e publikuar nga Tahiri.
Sipas tij, zhvillimi i turizmit në Dragash do të ndikojë drejtpërdrejt në rritjen ekonomike lokale, krijimin e vendeve të reja të punës dhe promovimin e potencialeve natyrore e kulturore të zonës. /Lajmi.net/
- Advertisement -
