Kosova dhe rajoni së fundi është goditur nga reshjet e mëdha të shiut, ku si pasojë janë shkaktuar dëme të mëdha materiale, shkruan Gazeta Metro.
Dëme më të mëdha kanë ndodhur kryesisht në Shqipëri, Mal të Zi dhe Greqi.
Kosova nuk ka pësuar dëme të mëdha nga këto stuhi të fuqishme dhe duket që tani këto reshje janë qetësuar dhe këto reshje në intensitet të madh kanë ndodhur si shkak i rrymave të ajrit të ardhura nga Rusia. Kështu ka thënë e eksperti i metrologjisë, Sylë Tahirsylaj, për Metron, duke shtuar se këto reshje kanë ndikuar shumë duke dëmtuar kulturat bujqësore.
“Deri në ditën e hënë nuk ka shi, më pas do të ketë por me sasi të vogla, ndërkaq temperaturat do të rriten gradualisht, ku ato maksimale do lëvizin nga 24 deri 25 gradë dhe minimalet nga 12 deri 14”, ka thënë Tahirsylaj
Sipas tij reshjet tash do të jenë në sasi të vogla dhe do të jetë klimë e përshtatshme si për florën ashtu edhe për faunën./gazetametro.net
