Yjet e Inter Miamit, Lionel Messi dhe Jordi Alba, janë suspenduar për ndeshjen e së shtunës mes Intter Miamit dhe FC Cincinnati-t, pasi munguan në ndeshjen All-Star të MLS të mërkurën.
Sanksionet u njoftuan sot nga Liga MLS, shkruan IndeksOnline.
“Jordi Alba dhe Lionel Messi nga Inter Miami CF nuk do të jenë të disponueshëm për ndeshjen e klubit kundër FC Cincinnati të shtunën, më 26 korrik, për shkak të mungesës së tyre në ndeshjen All-Star të Major League Soccer këtë javë”, thuhet në një deklaratë nga liga.
“Sipas rregullave të ligës, çdo lojtar që nuk merr pjesë në ndeshjen All-Star pa miratimin paraprak nga liga nuk është i kualifikuar për të garuar në ndeshjen e ardhshme të klubit të tij.”
Ndërsa Alba pësoi një dëmtim në ndeshjen e fundit të Miamit, Messi u pushua për shkak të problemeve me lodhjen.
Në një intervistë telefonike me The Athletic , komisioneri i MLS-së, Don Garber, tha se ishte një “vendim shumë, shumë i vështirë” për të pezulluar Messin.
