Tifozët e Dritës, kanë sulmuar gjyqtarin e FIFA-s, Genc Nuza.
Sipas asaj që raporton “korneri.net”, me të përfunduar ndeshja Drita – Trepça ’89, Nuza u qëllua në kokë nga tifozët, të cilët u vërsulën në drejtim të fushës.
Falë intervenimit të shpejtë të policisë dhe Njësisë Speciale, Nuza shpëtoi pa ndonjë rrezik të madh, edhe pse tensionet vazhduan edhe më tej.
Nuza edhe më tej ndodhet në zhveshtore të stadiumit, pasi po pret Njësinë Speciale.
Takimi në fjalë u mbyll 1:1. 89-shi pati penallti në minutën 90, por Florent Hasanit ia priti 11-metërshin portieri.
- Advertisement -
