Shefi i EULEX, Giovanni Pietro Barbano, ka bërë një reagim pasi Gjykata Kushtetuese, përkatësisht gjyqtarët e saj, janë bërë target i sulmeve të zyrtarëve të Lëvizjes Vetëvendosje, përfshirë Albin Kurtin e Glauk Konjufcën.
Në një postim në rrjetin “X”, shefi i EULEX, ua rikujton se “pavarësia gjyqësore është një nga gurët themelorë të sundimit të ligjit: pavarësia e gjyqtarëve duhet të respektohet nga të gjithë, në çdo kohë”
Ai shton se “ndërhyrja e panevojshme përmes sulmeve personale që synojnë drejtpërdrejt gjyqtarët dhe prokurorët që kryejnë detyrat e tyre është gjithmonë e papranueshme”.
Judicial independence is one of the cornerstones of the rule of law: independence of judges must be respected by everyone, at all times.
Undue interference through personal attacks directly targeting judges and prosecutors performing their duties is always unacceptable.— Giovanni Pietro Barbano (@EulexHoM) September 8, 2025
Gjykata Kushtetuese ka reaguar sot pas akuzave të rënda të Albin Kurtit e Glauk Konjufcës dje në mbledhjen e Këshillit të Përgjithshëm të VV’së. Deklarimet e të cilëve, Kushtetuesja i ka quajtur të pamatura.
“Gjykata Kushtetuese e Republikës së Kosovës shpreh shqetësimin e saj përkitazi me deklarimet e pamatura të zyrtarëve të lartë shtetëror dhe të zgjedhurve politikë.”
Ajo ka thënë se pavarësia e Gjykatës Kushtetuese nuk është privilegj i gjyqtarëve të saj, por është themel i shtetit të së drejtës.
