Deputeti Behgjet Pacolli ka arritur në Prishtinë duke thënë se është ndie i frikësuar, pas siç tha ai, presioneve që iu bënë nga institucionet e vendit.
Ai për më tepër tha se është frikësuar se do të sulmohet aeroplani i tij, njofton Klan Kosova.
“Unë fluturoj me një fluturake ku nuk kam asnjë forcë dhe jam frikësuar prej institucioneve të shtetit tim që do të mund të kryejnë ndonjë akt terrorist drejt aeroplanit tim dhe kam devijuar e kam shkuar në Tiranë. Ditën që jam nisur për me ardhë në Kosovë e kam bërë testin dhe ka dalë negativ”.
Deklarata e liderit të AKR-së, Behgjet Pacolli, se është frikuar që të aterroj me aeroplanin e tij në Kosovë sepse është “frikësuar se shteti mund t’i bëj sulme terroriste” ka bërë bujë në të gjitha mediet e Serbisë.
Për këtë deklaratë të Pacollit ka raportuar portali i B92 dhe shumë medie tjera të Serbisë.
