Zyrtarët e stadiumit Wembley kanë nisur një hetim mbi akuzat se qindra fansa të bendit Oasis u futën fshehurazi dhe pa bileta në një nga shfaqjet e fundit grupit.
Ikonat e rokut, të cilat aktualisht janë në turneun e tyre Live 25, luajtën në një sërë datash me bileta të shitura në vendin e ngjarjes në Londër midis 25 korrikut dhe 3 gushtit.
Por tani kanë dalë raporte se deri në 200 persona kanë hyrë në të paktën një shfaqje duke paguar 350 paund secili për të anashkaluar kontrollet normale të biletave.
Sipas gazetës The Sun, dy gra dyshohet se orkestruan mashtrimin, duke përdorur një hyrje për persona me aftësi të kufizuara, për të futur fshehurazi grupe të mëdha.
Ata thanë se organizatorët pretenduan se kishin “dhjetë grupe me nga 20 persona” që prisnin të hynin brenda.
Stadiumi Wembley konfirmoi se ishin në dijeni të akuzave.
“Hyrja në stadiumin Wembley pa biletë është një shkelje e rëndë dhe ne po i hetojmë këto akuza”, tha një zëdhënës.
“Nëse ato vërtetohen, ne do t’ia referojmë provat tona policisë.”
