Ministrja për Evropë dhe Punë të Jashtme e Shqipërisë, Elisa Spiropali, gjatë një mbledhjeje të ministerialit të OSBE-së që u zhvillua sot, ka folur për situatën në rajonin e Ballkanit Perëndimor dhe për rëndësinë e sigurisë në këtë pjesë të Evropës.
Spiropali theksoi se për Shqipërinë, stabiliteti dhe siguria në gjithë Evropën mbeten prioritet kryesor, transmeton lajmi.net.
Ajo gjithashtu nënvizoi se për të arritur një siguri dhe përparim të qëndrueshëm në rajon, duhet njohur Kosova si një shtet i pavarur dhe sovran.
“Paqja, stabiliteti dhe siguria kudo në Evropë vijojnë të jenë prioritetet tona kryesore. Siguria dhe përparimi i qëndrueshëm në rajonin tonë fillon me njohjen e Kosovës si shtet i pavarur dhe sovran”, tha Spiropali gjatë fjalës së saj./lajmi.net/
- Advertisement -
