Sot Kosova shënon 20 vjetorin e çlirimit.
Për ta kremtuar këtë përvjetor bashkë me qytetarët dekadën e dytë të hyrjes së trupave të NATO-s në Kosovë po qëndrojnë ish-presidenti amerikan, Bill Clinton, ish-sekretarja Madeleine Albright, dhe shumë personalitete tjera vendore e ndërkombëtare.
Festa nis nga ora 11:00, në sheshin “Skënderbeu” me ç’rast do të mbahet tubimi qendror, kurse nga ora 14:00 do të jetë “Ecja për liri”, për të vazhduar drejt sheshit “Albright”, afër American School of Kosova, për të bërë përurimin e bustit të ish-sekretares Albright.
Ndërkohë që në orën 15:00, do të bëhet vizitë në Bulevardin ‘Bill Clinton’, afër shtatores së ish-presidentit Clinton.
Me këtë rast janë ftuar qytetarët që të bashkohen në shënimin e 20-vjetorit të hyrjes së trupave të NATO-s.
Edhe televizioni Klan Kosova dhe portali klankosova.tv vijnë me një mbulim special për këtë ditë ku do të ketë intervista në studio, lidhje direkte nga terreni anembanë Kosovës dhe kronika të veçantë për këtë përvjetor.
