Sot, pritet të cakotohet fituesi i Super Ligës së Kosovës në futboll në mes të KF Feronikelit dhe KF Prishtinës.
Sytë e të gjithëve sot do të jenë në qytetin e Drenasit për ndeshjen më të rëndësishme të futbollit kosovar.
Ndeshja pritet të filloj nga ora 16:00 në stadiumin “Rexhep Rexhepi”, shkruan Drenica Press
Ndërsa komuna e Drenasit përmes një njoftimi ka bërë të ditur, që të dielën do të bëhet transmetimi i ndeshjes kampionale në mes të KF “Feronikeli” dhe KF “Prishtina” në ambient hapur për qytetarët në sheshin “Fehmi Lladrovci”, duke ofruar 1000 ulëse për të interesuarit nga ora 15:30.
Kjo bëhet për arsye që stadiumi “Rexhep Rexhepi” nuk mund t’i plotësojë kërkesat e shumta të shikuesve për shkak të kapaciteteve aktuale që ka. /Drenica Press/
