Instituti Hidrometeorologjik i Kosovës ka bërë të ditur se sot e nesër do të mbajë mot me diell dhe vapë.
Ata kanë bërë të ditur se Indeksi UV (rrezet ultraviolete) do të jetë i lartë, në vlerat e rrezikshmërisë, prandaj preferohet që nga ora 9:00 – 17:00 t’i shmangemi ndikimit të rrezeve direkt të diellit, transmeton Klan Kosova.
Temperaturat minimale do të lëvizin ndërmjet 17-21 gradë Celsius, ndërsa temperaturat maksimale parashihet të lëvizin ndërmjet 35-37 gradë Celsius.
Ngjashëm do të jetë edhe nesër, andaj kujdesë!