Vajza tetë vjeçare e aksidentuar dje në mbrëmje në fshatin Klinë e Ulët ka ndërruar jetë sot në QKUK-Prishtinë.
Aksidenti ka ndodhur në rrugën rajonale Mitrovicë – Skenderaj, përkatësisht në segmentin rrugor në fshatin ’’Klinë e Ulët’’, me ç’rast një veturë në lëvizje ka goditur të miturën.
Nga hetimet e para të bëra në vendngjarje, nga hetuesit e njësisë së trafikut rajonal bëhet e ditur se si shkaktar dyshohet të ketë qenë pakujdesia e drejtuesit të automjetit.
Ndaj të dyshuarit shkaktarit të aksidentit D. N. 46 vjeçar është caktuar masa e ndalimit policor. /Drenicapress.info/
