Kryeparlamentari i Kosovës, Kadri Veseli, ka thënë se gjaku i derdhur nga Familja Jashari, por edhe nga heronjtë tjerë të Kosovës janë garancia më e madhe e shtetit tonë, derisa po bënte homazhe tek kompleksi “Adem Jashari” në Prekaz, në kuadër të Epopesë së Ushtrisë Çlirimtare të Kosovës.
“Plagët janë ende të freskëta, dhimbja po ashtu, por edhe krenaria dhe forca jonë. Komandanti legjendar Adem Jashari, familja e tij dhe heronjtë e kombit janë garanti më i madh i shteti tonë të pavarur dhe sovran”, ka thënë Veseli, njofton Klan Kosova.
“Kemi shumë punë për të bërë, por jemi të sigurt në besimin tek ky gjak i derdhur dhe tek kjo sakrificë”, shtoi Veseli në prononcimin e tij të shkurtër.
- Advertisement -
