Në 18 vjetorin e rënies, në Prekaz të Poshtëm, u përkujtua dëshmori Avdullah Kodra i cilin ra heroikisht më 29 mars të vitit 1999, transmeton Drenica Press.
Në shënimit e ditës së renies së tij sot pranë varrit të dëshmorit u bënë homazhe nga udhëheqës të Komunës së Skenderajt, familjarë dhe nxënës dhe mësimdhënës të shkollës së fshatit.
Në tubimin përkujtimor të mbajtur më këtë rast Nënkryetari i Komunës së Skenderajt Fadil Nura ka çmuar lartë kontributin e dëshmorëve për lirinë e Kosovës, duke siguruar se institucionet komunale po ecin në rrugën dhe amanetin e dëshmorëve.
Ai po ashtu shprehu respektin maksimal për veprën e dëshmorit Avdullah Kodra dhe për familjen Kodra. Në shenjë kujtimi për dëshmorin, Teatri “Kaqurrela” i Qytetit të Skenderajt dhe nxënësit e shkollës “Ilir Lushtaku” kanë shfaqur edhe një program artistik.
