Pjestari i Policisë së Kosovës në stacionin e Skenderajt Tahir Çitaku nga fshati Qubrel i Skenderajt ka ndërruar jetë në orët e mbrëmjes nga një sulm në zemër, transmeton Drenica Press. Vdekja e Tahirit ka tronditur gjithë shoqërinë e tij që e kujtojnë si një polic të shkëlqyeshëm, një sportist të dalluar, një person i matur dhe i resptektuar nga të gjithë dhe një humorist briliant, transmeton Drenica Press.
Tahir Çitaku u nda nga jeta në moshën 40 vjeçare, ndërsa varrimi i të ndjerit do të bëhet në varrezat e fshatit të tij të lindjes në Qubrel të Skenderajt në ora 13:00 me 06. Nëntor 2016.
Me të marrë lajmin për vdekjen e Tahir Çitakut thuajse gjithë personalitet të policisë, të KF Drenicës, KV Drenicës e shumë sportist e politikan të Skenderajt kanë shprehur dhembjen e tyre për ndarjen nga jeta të Tahir Çitakut, duke ngushëlluar familjen Çitaku.
Tahir Çitaku njihej si një tifoz i flaktë i klubit futbollistik Drenica, dhe klubeve të tjera sportive të Skenderajt.
Poashtu stafi i portalit Drenica Press, shpreh ngushëllime familjes Çitaku./drenicapress/
