Edhe 235 familje me asistencë sociale janë ndihmuar sot me gjëra ushqimore, një ditë para fillimit të muajit të Ramazanit, nga Islamic Relief Worldwide në Kosovë dhe Komuna e Skenderajt, të cilat kanë edhe marrëveshje bashkëpunimit për mbështetje të familjeve që nuk kanë kushte të mira ekonomike.
Drejtoresha për Shëndetësi e Mirëqenie Sociale, Rrezarta Hasani – Ibrahimi, e pranishme gjatë shpërndarjes së pakove mbështetëse me artikuj ushqimor, ka thënë se ky aktivitet që po zhvillohet në bashkëpunim me Islamic Relief Worldwide në Kosovë, ka për qëllim t’u dal në ndihmë familjeve si raste sociale, në prag të fillimit të muajit të Ramazanit.
Edhe gjatë ditës së djeshme janë shpërndarë 200 pako me gjera ushqimore për familjet e komunës së Skenderajt, në bashkëpunim me Këshillin e Bashkësisë Islame, duke e çuar në 435 numrin e familjeve që përfitojnë nga kjo mbështetje.
