Në ambientet e Komunës së Skenderajt është mbajtur ceremonia e pensionimit të zyrtarit të Gjendjes Civile në Runik, Zaj Sejdijaj, shkruan DRENICA PRESS.
Me këtë rast, nënkryetari i komunës, Fadil Nura, mbajti një fjalë përshëndetëse në emër të kryetarit të Komunës, Sami Lushtaku, si dhe gjithë punonjësve të Administratës Komunale. Ai e falënderoi Zaj Sejdijajn për punën dhe angazhimin e tij shumëvjeçar në shërbim të qytetarëve.
“Faleminderit për vite të tëra pune të përkushtuar në Zyrën e Gjendjes Civile në Runik. Qoftë kjo fazë e re e jetës e mbushur me shëndet, qetësi dhe momente të bukura me familjen”, u tha ndër të tjera në fjalën përshëndetëse.
Komuna i uroi zyrtarit të ndershëm një pensionim të mbarë dhe me fat.
